يرحم امك فارقيني وش تبين ؟؟

حبيت اطرح بين اياديكم قصيدة للشاعر سعد الصعيري
اتمنى تنال اعجابكم


يرحم امك فارقيني وش تبين
طعنتك بالظهر جتني مرتين

ياحلاة ايامنا ذيك السنين
لاجت ايديني بكفك تسكتين

وان قربنا زود فيني تنتهين
وان تباعدنا زعلتي ساعتين

لازعلتي بست خدك من يمين
تزعلين اكثر تقولي بوستين

كل ماشفتي جواهر تشتكين
سعد ماجاني زعل من كلمتين

لاتلاقينا فرحتي وين وين
تحضنيني وين غايب جمعتين

وان طلبتك اغنية ماتخجلين
وان سمعتيني اقصد تنصتين

اعتذرلك تضحكين وتفرحين
وان جفيتك يوم عينك دمعتين

لاسمعتي صوت سيارة تجين
تفتحي شباك دارك درفتين

ليه خنتيني وعني تختفين؟
ليه شبيتي بقلبي شبتين؟

يرحم امك فارقيني وش تبين
طعنتك بالظهر جتني مرتين

تسحب ايديني تقولي يافطين
اختلص دينك وهات الطعنتين

كل مافيني فداك ولجل عين
تكرم اعيونك وهاك الشفتين

قلت انا ماني بصادق ياحنين
طعنتك بالظهر كانت لذتين


دمتم بكل ود